Rumena ta’ 42 sena li toqgħod is-Swieqi, ittieħdet l-Isptar Mater dei għal kura medika wara li sofriet ġrieħi f’inċident tat-traffiku l-Marsa.
Illum, għall-ħabta tas-2:30 p.m, il-Pulizija ntalbet għall-għajnuna fi Triq Aldo Moro. Mill-investigazzjonijiet preliminari rriżulta li mara li kienet qiegħda issuq karozza VolksWagen Bora, tilfet il-kontroll u inqalbet.
Membri tal-Protezzjoni Ċivili u tim mediku kienu msejħa fuq il-post tal-inċident. Aktar tard, hija kienet iċċertifikata li weġġgħet gravi.
L-investigazzjonijiet tal-Pulizija dwar dan il-każ għadhom għaddejjin.
