Ruud van Nistelrooy ikkonferma li jibqa’ involut b’mod attiv fl-istrateġija ta’ reklutaġġ tas-sajf ta’ plejers ma’ Leicester City, anke hekk kif id-dubji qed ikomplu jikbru dwar ir-rwol tiegħu fit-tul fil-klabb. Bil-Foxes li jafu li se jiġu relegati għal The Championship mill-Premier League Ingliż, Van Nistelrooy enfasizza l-importanza li tiġi stabbilita viżjoni kondiviża mat-tmexxija tal-klabb.
F’kumment li ta, Van Nistelrooy qal li jinsab konxju li l-affarijiet fil-King Power Stadium ma marrux kif mixtieq iżda hu xorta jinsab impenjat ikompli xogħlu u jippjana għall-istaġun li ġej.
Bosta qalu li Van Nistelrooy mhux jirrealizza li postu m’għadux ma’ Leicester u talbu li jkun hemm bidla fit-tmexxija.
