Fuq l-istazzjon tar-radju ta’ ONE Radio, id-Deputat Prim Ministru u Ministru għas-Saħħa Chris Fearne saħaq kif fil-bidu ta’ Mejju pajjiżna se jneħħi “prattikament ir-restrizzjonijiet kollha” ta’ kontra l-COVID-19.
Mit-Tnejn li ġej, se naraw rilaxx ta’ numru ta’ miżuri oħrajn fosthom in-numru ta’ jiem li kuntatt primarju jrid jagħmel kwarantina wara li jkollu kuntatt ma’ persuna pożittiva. Din se tkun qed tonqos għal ħamest ijiem u tispiċċa għal kollox mis-7 ta’ Marzu.
