Fabian hu tifel li jgħix il-Perù. Fl-aħħar jiem il-ġenituri tiegħu ħaduh għand il-missjunarju Għawdxi Dun Raymond Portelli li hu tabib bi professjoni.
Mill-eżamijiet mediċi li saru fuq Fabian ħareġ li għandu kanċer f’għajnejh, iżda l-problema hi li l-ġenituri ma jistgħux joffrulu kura minħabba li huma foqra ħafna.
It-tifel għandu bżonn jittieħed lejn il-kapitali Liam biex jingħata t-trattament bit-tama li jfieq u jibqa’ jgħix ħajja normali.
Għalhekk Dun Raymond Portelli qiegħed jagħmel appell lil Maltin u lil Għawdxin kollha biex dawk li jixtiequ jgħinu lil Fabian ikellmuh. Jistgħu jibgħatulu messaġġ fuq Whatsapp fuq 0051965764816 u Dun Raymond Portelli jigwida lil persuna kif tista’ tibgħat id-donazzjoni.
