L-attakkant ta’ Liverpool, Sadio Mane, huwa wieħed minn erba’ ismijiet fuq il-lista qasira ta’ attakkanti ta’ Bayern Munich għas-suq tat-trasferimenti tas-sajf.
L-internazzjonali tas-Senegal spiss sab ruħu jilgħab f’nofs il-ground dan l-istaġun minħabba l-injury ta’ Roberto Firmino u gawda minn staġun impressjonanti ieħor f’Anfield.
Mane sab ix-xibka 22 darba f’49 logħba fil-kompetizzjonijiet kollha f’dan l-istaġun – kif ukoll ipprovda ħames assists – filwaqt li sar champion tat-Tazza tan-Nazzjonijiet tal-Afrika mas-Senegal aktar kmieni din is-sena.
