L-attakkant internazzjonali Senegaliż, Sadio Mane, ħalla lil Bayern Munich biex jingħaqad ma’ Cristiano Ronaldo mal-club tal-Arabja Sawdija, Al-Nassr.
Il-player ta’ 31 sena skorja 12-il goal fi 38 logħba għal Bayern fi staġun diżastruż minkejja li fil-bidu impressjona.
Huwa kien involut ukoll fi ġlieda fiżika ma’ Leroy Sane fid-dressing room ta’ Manchester City wara li tilfu logħba taċ-Champions League.
Rapporti jissuġġerixxu li ċ-champions Ġermaniżi rkupraw ħafna mill-£35 miljun li ħallsu lil Liverpool għal Mane sena ilu.
Il-Kap Eżekuttiv ta’ Bayern, Jan-Christian Dreesen, qal li l-eks plejer ta’ Southampton – li ffirma kuntratt ta’ erba’ snin ma’ Al-Nassr, ma kellux “sena faċli” minn mindu ċaqlaq minn Anfield.
