Din mhux xi xena minn xi novella traġika jew xi xena minn xi film. Dan hu Haj Salim Asfour. Għandu 85 sena. Jgħix f’Khan Younis. Fi żmien kien Muezzin, isejjaħ in-nies għat-talb. Illum il-vuċi fraġli tiegħu turik it-tbatija li għaddej minnha.
Ilu jbati minn nuqqas ta’ ikel minħabba l-imblokk ta’ provvisti ta’ ikel u għajnuna lejn Gaża. Illum meta tħares lejn Salim, tifhem li l-gwerra ma tfissirx biss tfigħ ta’ bombi. Il-gwerra tfisser ukoll ġuħ. Salim hu persuna minn ġenerazzoni li tgħix f’Gaża u li hi mifnija bil-ġuħ.