San Ġiljan reġgħu niżżlu isimhom fl-istorja tal-waterpolo Malti, billi rebħu l-Kampjonat BOV Premier tal-Water Polo Premier fejn għalqu s-serje Playoff bl-aħjar minn 3 logħbiet 2-0 kontra r-rivali ewlenin tagħhom Neptunes.
B’din ir-rebħa, San Ġiljan kisbu wkoll id-double tal-kampjonat u n-knockout, wara r-rebħa enfatika tagħhom ta’ 16-10 fil-finali tal-BOV Knockout aktar kmieni dan ix-xahar.
Is-Saints urew id-dominanza tagħhom matul l-istaġun, li laħqet il-qofol tagħha f’sensiela tal-playoffs taħt it-tmexxija tal-kowċ il-ġdid tagħhom Giorgos Katsaounis. L-ewwel rebħa inkisbet wara l-ogħti tal-penalties fejn it-timijiet spiċċaw il-ħin regolari bi draw ta’ 13-13. Żewġ saves spettakolari ta’ Jake Tanti assiguraw ir=rebħa għal San Ġiljan.
Fit-tieni logħba drammatika, San Ġiljan għelbu lil Neptunes 16-15 ukoll bil-penalties wara 32 minuta ta’ logħob eċċitanti li spiċċaw bi skor ta’ 12-12.
San Ġiljan ħarġu harġu b’saħħuthom u kisbu b’vantaġġ ta’ 4-0 b’żewġ gowls minn Darren Zammit u gowl kull wieħed minn Aaron Younger, u Ben Plumpton. Madankollu, Neptunes wieġbu b’gowls minn Jordan Camilleri, Gergo Zalanki, Matthias Azzopardi, u Stevie Camilleri biex ġabu id-draw 4-4. Plumpton reġgħu ta l-vantaġġ lil San Ġiljan qabel ma Stevie Camilleri ġab id-draw għal darb’oħra, u ħallihom 5-5 fi tmiem l-ewwel sessjoni.
Fit-tieni sessjoni, il-momentum dar lejn in-Neptunes hekk kif Sam Gialanze skorja darbtejn biex poġġihom 7-5 minn fuq. San Ġiljan naqqsu d-distakk permezz ta’ Nikolai Zammit, u għamlu l-iskor 7-6 għal Neptunes sa nofs il-logħba.
Wara l-mistrieħ, Neptunes kabbru l-vantaġġ tagħhom permezz ta’ Matthias Azzopardi (8-6), iżda San Ġiljan skorjaw permezz ta’ Ben Plumpton u Jeremy Abela li Stevie Camilleri żied ieħor għal Neptunes. Darren Zammit reġa ġab l-iskor indaqs 9-9 għal San Ġiljan fejn twittiet it-triq għal finali mimli tensjoni.
Il-logħba baqgħet drammatika sal-aħħar Matthias Azzopardi ġab l-iskor 10-9 għal Neptunes, iżda Aaron Younger wieġeb b’żewġ gowls biex għamel l-iskor 11-10. L-iskambji komplew: Sam Gialanze ġab id-draw, Jake Bonavia reġa’ poġġa lil San Ġiljan minn fuq, biss biex Gialanze reġa’ ġab id-draw għal 12-12 li wassal għall-ogħti tal-penalties.
Fil-penalty shootout, iż-żewġ naħat skambjaw gowls minn fuq il-linja ta’ ħames metri. Stevie Camilleri, Nikolai Zammit, Gergo Zalanki, Jeremy Abela, Sam Gialanze u Aaron Younger kollha skorjaw il-penalty tagħhom biex għamlu l-iskor 15 kull wieħed.
Il-mument deċiżiv wasal meta Julian Valletta falla għal Neptunes, u Matthew Zammit irnexxielu jikkonverti għal San Ġiljan li marru 16-15 minn fuq. Jake Tanti kien għal darb’oħra l-eroj ta’ San Ġiljan b’save spettakolari ieħor fuq Alec Fenech biex assigura r-rebħa u t-titlu.
Din ir-rebħa doppja timmarka rimonta qawwija wara li San Ġiljan kienu fallew li jiksbu l-unuri l-istaġun li għadda.
It-trofew tal-Kampjonat BOV Premie, iddisinjat apposta biex jikkommemora l-100 anniversarju tal-Assoċjazzjoni tal-Isports Akkwatiċi ta’ Malta, ġie ppreżentat lill-iskwadra ta’ San Ġiljan mill-Uffiċjal Kap tal-Operazzjonijiet tal-Bank of Valletta, Ernest Agius, u l-President tal-ASA Karl Izzo fil-preżenza ta’ Dr Clifton Grima, Ministru għall-Edukazzjoni, l-Isport, iż-Żgħażagħ, ir-Riċerka u l-Innovazzjoni.waqt iċ-ċerimonja uffiċjali ta’ wara l-logħba.
Hekk kif l- Assoċjazzjoni tal-Isports Akkwatiċi ta’ Malta qed tiċċelebra l-100 anniversarju tagħha, ir-rebħa doppja ta’ San Ġiljan iżżid lat storiku ma’ staġun diġà importanti għall-water polo Malti. Il-Bank of Valletta, sostenitur fit-tul ta’ dan l-isport jifforma parti minn din l-istorja fejn ilu sieħeb ewlient tal-ASA mill-2008, u kkontribwixxa b’mod sinifikanti għat-tkabbir u l-iżvilupp tal-isports akkwatiċi f’Malta.