San Giljan rebħu l-ħames titlu tal-BOV Water Polo Knockout tagħhom fl-aħħar sitt snin wara li għelbu lir-rivali tagħhom Neptunes 16-10 fil-finali quddiem folla numeruza li attendiet bi hgara ghal din il-finali. Is-Saints kellhom prestazzjoni b’saħħitha fejn urew il-qawwa tal-attakk u r-reżiljenza difensiva tagħhom, filwaqt li Neptunes ma setgħux isibu soluzzjoni biex iwaqqfu s’sahha ta’ San Giljan, u b’hekk issiġillaw id-dominanza f’din il-kompetizzjoni.
Il-finali tant mistennija, li ntlagħbet fil-Pixxina Nazzjonali f’Tal-Qroqq, kienet wirja ecitanti ta’ water polo ta’ livell għoli, fejn l-esperjenza u l-preċiżjoni tattika ta’ San Giljan kienu kruċjali biex kisbu dan it-titlu prestiġjuż.
Il-finali, li saret fil-Pixxina Nazzjonali f’Tal-Qroqq, kienet konfront eċċitanti, b’żewġ timijiet juru tattika u atletika ta’ livell għoli. L-esperjenza u l-kalma ta’ San Giljan taħt pressjoni kienu determinanti biex kisbu l-ewwel post.
It-Tazza tal-BOV Knockout fid-diviżjoni Premier ġiet ppreżentata waqt ċerimonja ta’ ċelebrazzjoni miIl-Kap Eżekuttiv tal-Operazzjonijiet tal-Bank of Valletta, Ernest Agius, flimkien mal-President tal-ASA Karl Izzo li ppreżentaw it-trofew prestiġjuż lill-Captain ta’ San Giljan Matthew Zammit. Il-mument ġie milqugħ b’ferħ kbir mill-partitarji numeruzi hekk kif it-tim għolla t-trofew li jimmarka kapitlu ieħor fl-istorja tagħhom.
Il-kompetizzjoni Knockout tal-2025 għandha tifsira speċjali hekk kif l-Assoċjazzjoni tal-Isport Akkwatiku ta’ Malta tiċċelebra l-100 anniversarju tagħha. Il-Bank of Valletta huwa kburi tas-sħubija mal-ASA f’dan il-mument storiku, u jikkonferma l-impenn fit-tul tiegħu lejn l-iżvilupp tal-isport akkwatiku f’Malta. Permezz ta’ dan l-appoġġ kontinwu, il-BOV jibqa’ ddedikat biex jinkoraġġixxi t-talent lokali u jippromwovi l-eċċellenza fil-water polo tul il-ġenerazzjonijiet.