Ir-residenti tad-Dar tal-Providenza fis-Siġġiewi kellhom sorpriża bi żjara mhux tas-soltu.
Għalkemm f’dawn iż-żminijiet ta’ festi minn dawk l-iċken sa dawk l-ikbar fl-età ssib minn jidħol daqstant fl-ispirtu tal-Milied, mhux xi ħaġa komuni li San Niklaw jinżel bil-ħelikopter biex jiltaqa’ man-nies.
Iżda grazzi għal ħidma mwettqa mill-membri tal-Forzi Armati ta’ Malta, din is-sena r-residenti tad-Dar tal-Providenza kellhom l-opportunità li jaraw kif tista’ ssir xi ħaġa simili u kif ukoll ħadu ritratti mal-istess San Niklaw.
