Manchester City ħabbru li Savinho ffirma kuntratt ġdid mal-klabb li se jorbtu sal-aħħar ta’ Ġunju 2031.
Il-plejer Brażiljan kien msemmi b’mod qawwi ma’ trasferiment possibbli lejn Tottenham Hotspur matul is-suq tas-sajf, iżda fl-aħħar mill-aħħar għażel li jkompli l-karriera tiegħu mas-City.
Il-klabb qal li din hija konferma tal-fiduċja tagħhom fil-kwalitajiet tiegħu u fil-potenzjal li jkompli jiżviluppa bħala wieħed mill-aktar talenti promettenti fil-Premier League. Savinho diġà wera l-kapaċitajiet tiegħu u issa se jkun parti mill-pjanijiet fit-tul ta’ Manchester City.