L-eks midfielder leġġendarju ta’ Manchester United, illum opinjonista, Paul Scholes, iddefenda lil Bruno Fernandes wara li żewġ eks kollegi tiegħu u opinjonisti bħalu, Gary Neville u Roy Keane, ittimbrawh bħala “tal-mistħija” wara l-imġieba divertenti tiegħu fit-telfa astronomika ta’ Manchester United kontra Liverpool il-Ħadd li għadda.
Fernandes deher ta’ spiss jitfa’ idejh fl-arja b’disgust waqt il-logħba u Neville qal li l-wirja tiegħu kienet “imbarazzanti”.
“Bruno Fernandes qed jistaqsi għaliex mhux hu se jinbidel. Onestament, xi wħud mill-imġieba tiegħu kienet tal-mistħija, anke jekk xi drabi kien brillanti, bl-assists u l-goals tiegħu,” qal Neville waqt il-kummentarju tal-logħba.
L-eks difensur lemini aktar tard żied jgħid: “It-tieni taqsima kienet tal-mistħija, taħwid, karatterizzata minn Fernandes li ġieli kien imbarazzanti. Mhumiex il-prestazzjoni, l-ispirtu jew il-forma tas-soltu tagħhom. Erik ten Hag se jieħu ħsiebha.”
“Nibda mill-captain. Ma titfax idejk ‘il fuq, iżda tiġri lura. Kelli biżżejjed minnu li jitfa’ dirgħajh fuq lejn sħabu u ma jiġrix lura. Ġie mbuttat f’sidru u jinżel iżomm wiċċu. Naħseb li Ten Hag se jittratta miegħu b’mod qawwi ħafna fit-48 siegħa li ġejjin. Kien ta’ għajb.”
Roy Keane żied jgħid: “Il-lingwaġġ tal-ġisem Fernandes illum kien ta’ għajb. Huwa tifel tassew ta’ talent, huwa l-captain tiegħek. Iżda l-lingwaġġ tal-ġisem tiegħu, ixejjer dirgħajh ma jiġrix lura, int ma tkunx kuntent bih.”
Iżda l-eks sieħeb ta’ Keane u Neville mal-United, Scholes, spjega għaliex ħassu dispjaċut għal Fernandes, minflok ippunta subgħajh tat-tort lejn koppja ta’ players li mhumiex “fil-livell” meħtieġ biex jilagħbu mar-Red Devils.
“Fil-fatt inħossni dispjaċut għalih meta jkun lagħab,” qal Scholes lill-Premier League Productions wara l-partita.
“Huwa ġie mbuttat għal ħafna pożizzjonijiet biex jagħmel xogħol għat-team. Illum kien fuq ix-xellug, kien fuq il-lemin, lagħab min-nofs – kien ftit madwar il-post kollu.
“Ma tistax tgħid li l-players għamlu dak li suppost jagħmlu, iżda ħsibt li llum kien speċjalment fqir, ma kienx l-aqwa wara nofs ta’ nhar tiegħu. Iżda naħseb li hemm ftit players f’dak it-team li fejn jidħlu logħbiet kbar bħal din ma naħsibx li huma pjuttost ta’ livell.”
