Se jitressqu l-Qorti b’rabta mal-vandaliżmu u ħsara fuq is-siġar fir-riserva tal-Aħrax tal-Mellieħa

Il-Federazzjoni Kaċċaturi Nassaba Konservazzjonisti (FKNK) qalet li ftit tal-ġranet biss wara li ġie irrapurtat il-vandaliżmu u l-ħsara li saret ġewwa ir-riserva tal-Aħrax tal-Mellieħa, uffiċjali tal-Pulizija mill-Environmental Protection Unit (EPU) ħarku diversi persuni b’relazzjoni mal-vandaliżmu u ħsara fuq siġar li attwalment ser jiġu mresqa l-qorti.

Ftit tal-ġranet ilu, il-FKNK talbet għar-responsabbiltà fir-riżervi wara llegalitajiet imwettqa mill-pubbliku u kienet ippubblikat diversi ritratti.

Il-FKNK irringrazzjat lill-uffiċċjali tal-Pulizija għax-xogħol siewi u l-azzjonijiet li ittieħdu f’waqthom.