Seba’ timijiet se jkunu qed jipparteċipaw fl-Enemed Women’s Futsal League, kompetizzjoni ġdida li l-Futsal Malta Association se tibda minn dan l-istaġun.
Is-seba’ timijiet li se jieħdu sehem huma Lija Athletics ‘A’ Futsal, Lija Athletics ‘B’ Futsal, Mtarfa Futsal, Parr Mela Rockets FC Futsal, Santa Margherita AFC Futsal, Swieqi United FC Futsal u University of Malta Futsal ACJ Group.
F’konferenza stampa li saret il-president tal-FMA Mark Borg irringrazzja lil dawn it-timijiet li ħadu sehem u fuq kollox il-kumpanija Enemed li qed tkompli tgħin sabiex il-logħba tal-futsal tkompli tikber dejjem aktar.
L-ambaxxatriċi tal-Women’s Futsal League Clare Agius esprimiet is-sodisfazzjon tagħha li aktar nisa qed jidħlu fid-dinja tal-isport u b’mod partikolari f’din l-avventura l-ġdida tagħhom fil-futsal. Hi rringrazzjat ukoll lill-FMA tal-inizjattiva ferm sabiħa li ħadet sabiex aktar nisa jipparteċipaw fil-futsal.
Sadanittant telgħu l-poloz ta’ dan il-kampjonat femminili bl-ewwel ġurnata tirriżulta hekk:
Santa Margerita AFC Futsal – University of Malta ACJ Group
Lija Athletic A Futsal – Swieqi United FC Futsal
Parr Mela Rockets FC Futsal – Mtarfa Futsal
Lija Athletic B Futsal bye
