Raġel ta’ 39 sena kien ikkundannat 18-il xahar ħabs sospiżi għal tlett snin u mmultat €4,000 wara li fil-Qorti ammetta li ħebb għal 3 pulizija.
Fil-Qorti, il-Prosekuzzjoni mmexxija mill-Ispetturi James Mallia u Wayne Bonello spjegat li l-każ seħħ fil-bidu ta’ Ġunju tal-2024 fiż-Żurrieq.
L-imputat kien mixli wkoll li hedded lill-pulizija, li rreżistihom, li m’obdiehomx u li kiser 3 sentenzi tal-Qorti.
Quddiem il-Maġistrat Astrid May Grima, l-imputat ammetta għall-akkużi kollha miġjuba kontrih. Minbarra s-sentenza ta’ ħabs sospiża u l-multa, il-Maġistrat Grima ħarġet ukoll ordni ta’ trattament għal 3 snin biex jingħata għajnuna psikoloġika u rabtitu b’garanzija ta’ €2,000 għal sena biex ma jimmolestax lit-3 pulizija.