Żagħżugħ ta’ 18-il sena ngħata sentenza ta’ sena ħabs sospiża għal sentejn wara li ammetta li saq għal fuq grupp żgħir ta’ nies f’Paceville wara argument fis-26 ta’ Diċembru li għadda.
Il-Qorti preseduta mill-Maġistrat Gabriella Vella semgħet lil Leon Cremona Adly jammetti għall-akkużi miġjuba kontra tiegħu. Huwa kien ammmeta wkoll li saq karozza mingħajr il-permess tas-sid, li kien xurban u li kiser il-paċi pubblika fost oħrajn.
Adly tpoġġa taħt ordni ta’ probation għal perjodu ta’ sentejn u kellu l-liċenzja tas-sewqan sospiża għal sena.
Il-Maġistrat wissietu sabiex ma jikser l-ebda waħda mill-kundizzjonijiet inkella jkollu jaffaċċja konsegwenzi aktar ħorox.
Il-Prosekuzzjoni tmexxiet mill-Ispettur Darryl Farr flimkien mal-Avukat Clive Aquilina mill-Uffiċċju tal-Avukat Ġenerali.
