Il-leġġenda ta’ Manchester City, Sergio Aguero, ta parir lill-ex club tiegħu biex jintegra lill-‘fenomenu’ Julian Alvarez fl-iskwadra tal-ewwel team tagħhom qabel l-istaġun 2022-23.
L-attakkant ta’ 22 sena ffirma mas-Citizens f’Jannar li għadda qabel ma rritorna ma’ River Plate b’self, fejn bħalissa huwa mistenni li jibqa’ sal-31 ta’ Diċembru li ġej.
Minkejja li Pep Guardiola qal aktar kmieni din is-sena li Alvarez ‘se jkun fl-iskwadra’ fis-sajf li ġej għall-pre-season, kien hemm spekulazzjonijiet li jissuġġerixxu li Man City jistgħu jħarsu li jżommu lill-attakkant f’art twelidu sal-2023, hekk kif qed iqisu li jagħmlu offerta sostanzjali għall-attakkant internazzjonali Norveġiż, Erling Braut Haaland.
Madankollu, Aguero jemmen li Man City ‘xtraw lil Alvarez għal raġuni’ u jħoss li l-internazzjonali Arġentin jibbenefika milli jingħaqad mal-iskwadra tal-ewwel team fis-sajf.
“Julian Alvarez huwa matur u maż-żmien se jkompli jitgħallem aktar affarijiet u Manchester City xtrawh għal raġuni,” qal Aguero.
Man City huma maħsuba li għandhom għażla ta’ €1.5m jekk jixtiequ jelevaw lill-attakkant fl-iskwadra tal-ewwel team tagħhom dan is-sajf.
Alvarez, li skorja l-ewwel goal internazzjonali tiegħu mal-Arġentina fid-draw ta’ 1-1 kontra l-Ekwador nhar l-Erbgħa li għadda, skorja 24 goal u pprovda 15-il assist f’46 dehra għal River Plate fil-kompetizzjonijiet kollha fl-2021.
