Id-difensur ta’ Paris Saint-Germain, Sergio Ramos, kien rappurtat li qed jitqies potenzjali ta’ trasferiment għal Los Angeles Galaxy.
Ramos temm l-assoċjazzjoni ta’ żmien twil tiegħu ma’ Real Madrid is-sena l-oħra, iżda l-ewwel staġun tiegħu fil-Parc des Princes kien l-aktar frustranti fil-karriera tiegħu sa issa.
L-injuries illimitaw lill-player ta’ 35 sena għal erba’ dehriet biss, b’kull ħarġa tiegħu ssir bejn it-28 ta’ Novembru u t-23 ta’ Jannar.
LA Galaxy qed ifittxu li jieħdu vantaġġ mis-sitwazzjoni billi joffru lill-veteran l-opportunità li jmur jilgħab fl-MLS.
Huwa mifhum li diġà sar kuntatt mal-aġenti ta’ Ramos, li għandu kuntratt ma’ PSG sal-aħħar tal-istaġun 2022-23.
Kif inhu, kull trasferiment jista’ jkollu jistenna, iżda l-clubs tal-MLS jistgħu jiffirmaw players sa Mejju, li jħalli miftuħa l-possibbiltà ta’ tluq għal Ramos jekk PSG jagħżlu li jaqtgħu r-rabtiet mal-player leġġendarju Spanjol.
