Isem id-difensur veteran Spanjol Sergio Ramos qed ikompli jissemma’ fil-gazzetti ewlenin sportivi hekk kif il-plejer ta’ 38 sena għadu ma sabx klabb ma’ min jilgħab.
F’dawn l-aħħar jiem feġġ l-interess ta’ Botafogo li kienu se jiffirmaw lill-eks plejer ta’ Real Madrid, Paris St Germain u Seville iżda għal xi raġuni jew oħra, dan it-trasferiment ma sarx.
Minkejja kollox, hemm xnigħat li Ramos qed jistenna xi telefonata mill-Istati Uniti b’xi klabbs mill-MLS li jixtiequ jakkwistaw is-servizzi tiegħu.
