Il-goalkeeper ta’ Paris Saint-Germain, Sergio Rico, 29 sena, ħareġ mill-kura intensiva wara inċident biż-żiemel.
L-inċident seħħ f’Mejju meta Rico kien qed jipparteċipa f’pellegrinaġġ annwali fir-reġjun ta’ El Rocio, fi Spanja. Il-familja ta’ Rico qalet li sofra “inċident serju” meta ntlaqat minn żiemel maħlul.
L-eks goalkeeper ta’ Sevilla qatta’ l-istaġun 2018-19 b’self ma’ Fulham, u għamel total ta’ 32 dehra għall-Cottagers. Huwa segwa dan b’self għall- istaġun kollu ma’ PSG qabel ma għamel il-bidla permanenti f’Settembru 2020.
