Fil-Kampjonat Taljan, Inter marru għand Bologna u sfaw megħluba bl-iskor ta’ 1-0 liema riżultat kompla jikkuntenta lil-leaders Napoli hekk kif għandahom vantaġġ ta’ 18-il punt fil-quċċata tal-klassifika … hekk kif għebu fuq l-orizzont … u hija xi ħaġa impossibbli li jfallu milli jirbħu l-Iscudetto wara nuqqas ta’ 33 sena.
Bologna v Inter – Barra minn darhom Inter ġew sorpriżi minn Bologna bl-iskor ta’ 1-0.
Bla dubju, Stadio Dall’ Ara huwa ħolma kerha għan-Nerazzurri hekk kif fl-istaġun li għadda, ir-rebħ tat-titlu proprju ntilef f’dan l-istadium meta kienu ħarġu telliefa bl-iskor ta’ 2-1, fis-27 ta’ April, 2022, biex kienu Milan li kienu dikjarati champions.
L-uniku goal tal-partita wasal fis-76 minuta meta Riccardo Orsolini kkontrolla b’sidru qabel ma xeħet il-ballun fis-saqaf tax-xibka … wara li rċieva mingħand Jerdy Schouten.
