Serie A: It-timijiet ta’ fuq m’għandhomx ifallu

Meta tintlagħab il-15-il ġurnata tas-Serie A, l-erba’ timijiet ta’ fuq, li huma fiż-żona tal-UEFA Champions League, għandhom jirbħu l-konfronti tagħ­hom minkejja li l-football huwa imprevidibbli għall-aħħar. 

Dawn huma l-ko-leaders, Milan u Napoli, u t-timijiet ta’ warajhom Inter u Roma.

Milan v Sassuolo – Milan jilqgħu lil Sassuolo hekk kif ġejjin minn rebħa inkredibbli ta’ 3-2 għand To­rino, f’partita li kienu qed jitilfu 2-1.

Ir-Rossoneri jridu juru rispett massimu lejn l-avversarji tagħhom li jinsabu fit-tmien post u rebħa tpoġġihom f’pożizzjoni li jibdew jisfidaw għal post f’kompetizzjoni Ewropea.

Milan għandhom neqsin lill-coach, Massimiliano Al­­l­egri, li flimkien ma’ San­tiago Gimenez huma sospiżi. Min-naħa l-oħra, Rafael Leao, Santiago Gimenez, Youssouf Fofana u Zachary Athekame huma mweġġgħin.

Udinese v Napoli – Napoli jmorru jilagħbu għand Udinese li jinsabu fil-11-il post tal-klassifika.

Il-Partenopei ġejjin minn rebħa ta’ 2-1 fuq Juventus fejn spikka Rasmus Hoj­lund li skorja ż-żewġ goals tagħhom.

Iżda mil-lat negattiv, nhar l-Erbgħa, huma sfaw megħluba minn Benfica bl-iskor ta’ 2-0 fil-fażi tal-kampjo­nat tal-UEFA Champions Lea­gue.

Huma se jkollhom jgħaddu mingħajr is-servizzi ta’ lista ta’ players minħabba li qed jirkupraw minn injury. Dawn huma  Jesper Lindstroem, Romelu Lukaku, Miguel Gutierrez, Stanislav Lobotka, Billy Gilmour, Zambo Anguissa, Alex Meret u Kevin De Bruyne.

Genoa v Inter – Inter imorru jilagħbu għand Genoa  fejn jimmiraw li jiksbu t-tliet punti biex iżommu l-pass maż-żewġ timi­jiet ta’ fuqhom.

Huma ġejjin minn rebħa ta’ 4-0 fuq Como iżda ġejjin ukoll minn telfa f’darhom kontra Liverpool bl-iskor ta’ 1-0, fil-fażi tal-kampjonat fil-UEFA Champions Lea­­gue.

Min-naħa tagħhom, Ge­noa jimmiraw li joħorġu bit-tliet punti minħabba li jinsabu erba’ punti biss bogħod mir-relegazzjoni.

Inter ma jistgħux jinkludu lil Matteo Darmian, Denzel Dumfries, Raffaele Di Gennaro u Tomas Palacios.

Bologna v Juventus – Juventus imorru għand Bologna, f’dik li hija meqjusa bħala partita mill-aktar diffiċli.

Huma jimmiraw li jirritornaw għar-rebħ wara t-telfa għand Napoli biex jibqgħu jżommu l-kuntatt mat-timijiet ta’ fuqhom.

Il-Bianconeri għandhom neqsin lil Juventus għandhom neqsin lil Gleison Bremer, Daniele Rugani, Dusan Vlahovic, Federico Gatti, Carlo Pinsoglio u Arkadiusz Milik, minħabba li jinsabu mweġġgħin.