Serie A: Kollox jibqa’ l-istess fil-quċċata tal-klassifika

Fis-Serie A, kollox baqa’ l-istess fil-quċċata tal-klassifika hekk kif l-ewwel żewġ timijiet ġew miżmuma fil-konfronti tagħ­hom … Napoli minn Parma 0-0 u Inter minn Lazio 2-2.

Inter v Lazio – Inter u Lazio spiċċaw fi draw ta’ 2-2 liema riżultat ikkuntenta l-aktar lil Napoli.

Kien Yann Bisseck (45) li fetaħ l-iskor għal Inter iżda Pedro (74) kiseb id-draw għal Lazio li għall-ewwel ġie mħassar għal offside iżda mbagħad ġie konvalidat permezz tal-VAR.

Iżda Denzel Dumfries (80) reġa xeħet lil Inter fil-vantaġġ u l-istess Ped­ro (90) kiseb id-draw għal Lazio minn penalty.

Fit-98 minuta, in-Neraz­zurri kellhom goal imħassar għal offside ta’ Marko Arnautovic.

Parma v Napoli – Napoli marru għand Parma u setgħu biss jispiċċaw fi draw ta’ 0-0 bl-aktar li resaq viċin kien Scott McTominay (71) li laqat il-mimduda.

Cagliari v Venezia – Cagliari għamlu pass kbir lejn is-salvazzjoni meta għelbu lil Venezia bl-iskor ta’ 3-0 li baqgħu fiż-żona l-ħamra. Il-goals waslu minn Yerry Mina (11), Ro­berto Piccoli (41) u Alessandro Deiola (71).

Fiorentina v Bologna – Bologna sfaw eliminati mill-kwalifikazzjoni tal- UEFA Champions Lea­gue meta marru għand Fiorentina u sfaw megħluba bl-iskor ta’ 3-2.

Il-goals tal-Viola waslu minn Fa­bia­no Parisi (13),  Amir Richardson (67) u Moise Kean (84) filwaqt li Thijs Dallinga (61) u Riccardo Orsolini (79) wieġbu għal Bologna li kellhom lil Juan Miranda (89) imkeċċi.

 Juventus v Udinese – Juventu ospitaw lil Udinese u kellhom jitħabtu biex reb­ħulhom bl-iskor ta’ 2-0 biex issa huma l-favoriti li jtemmu fir-raba’ post.

Il-protagonisti tagħhom kienu Nicolas Gonzalez (61) u Dusan Vlahovic (88). 

Lecce v Torino – F’darhom Lecce rreġistraw rebħa mill-aktar importanti meta għelbu lil Torino bl-iskor ta’ 1-0 biex żammew it-ta­miet tagħhom ħajjin li jsalvaw mir-relegazzjoni. Il-goal importanti wasal fis-47 minuta minn Ylber Ramadani. 

Monza v Empoli – Empoli marru għand it-team diġá relegat, Monza, u ħarġu rebbieħa bl-iskor ta’ 3-1 biex għandhom ċans tajjeb li jsalvaw mill-għarqa.

Il-goals tagħhom waslu minn Lorenzo Colombo (49), Mattia Viti (51) u Se­muel Pizzignacco (59 o.g.) wara li Samuele Birindelli (30) fetaħ l-iskor għal Monza.

Roma v Milan – Roma għelbu lil Milan bl-iskor ta’ 2-1 li kellhom jilagħbu bi player inqas għal aktar minn 70 minuta wara li tkeċċa Santiago Gimenez (20). Gianluca Mancini (3), Leandro Paredes (58) u Bryan Cristante (87) skor­jaw għal Roma filwaqt li Joao Felix (39) kiseb id-draw momentarju għal Milan.

Genoa v Atalanta – Atalanta għelbu lil Genoa bl-iskor ta’ 3-2, bil-goals jaslu minn Ibrahim Sulemana (47), Daniel Mal­dini (63) u Mateo Retegui (89) filwaqt li Andrea Pinamonti (37, 58) skorja għal Genoa.