Is-Sibt tkompli tintlagħab id-29 ġurnata tas-Serie A fejn Lazio jilqgħu lil Juventus f’konfront delikat.
Lazio v Juventus – Lazio jilqgħu lil Juventus f’dik li hija meqjusa bħala l-aqwa partita ta’ tmiem din il-ġimgħa.
Il-Bianconeri għandhom bżonn il-punti biex iżommu t-tamiet tagħhom ħajjin għall-kwalifikazzjoni tal- UEFA Champions League wara li tnaqqsulhom 15-il punt minħabba li nstabu ħatja ta’ rregolaritajiet finanzjarji fis-suq tat-trasferimenti.
Min-naħa ta’ Lazio, li bħalissa għaddejjin minn forma brillanti, jimmiraw li jsaħħu t-tieni pożizzjni.
Juventus ġejjin minn rebħa mqanżħa ta’ 1-0 fuq Verona u l-battikata li ħadu t-Tlieta fid-draw ta’ 1-1 kontra Inter fil-Coppa Italia tista’ tkun ta’ detriment għalihom meta se jiffaċċjaw team frisk.
Huma se jkunu mingħajr l-imweġġgħin, Leonardo Bonucci, Kaio Jorge u Paul Pogba, filwaqt li Moise Kean jinsab sospiż.
Min-naħa l-oħra, il-coach Maurizio Sarri m’għandu l-ebda problemi ta’ players neqsin.
Torino v Roma – Roma jkomplu jittamaw lil jiksbu post fil-UEFA Champions League għall-istaġun li ġej hekk kif imorru fin-naħa ta’ fuq tal-Italja sabiex jaffrontaw lil Torino.
Il-Granata jinżlu għal din il-partita mingħajr pressjoni hekk kif jinsabu xxamplati f’nofs il-klassifika u ‘l bogħod minn kull periklu tar-relegazzjoni.
Il-Giallorossi bħalissa jinsabu fil-ħames post u għaldaqstant xejn għajr minn rebħa ma tissodisfa l- kriterji tagħhom biex jibqgħu jisfidaw għall-aqwa kompetizzjoni Ewropea.
Torino għandhom lil Rick Karsdorp u Ebrima Darboe li qed jirkupraw minn injury filwaqt li t-Toro se jkollhom jgħaddu mingħajr l- imweġġgħin Ivan Ilic, Ola Aina, Yann Karamoh, Ronaldo Vieira u David Zima.
Atalanta v Bologna – Atalanta jibdew favoriti meta jospitaw lil Bologna hekk kif għadhom biċ-ċans li jtemmu mal-ewwel erbgħa minħabba li jinsabu distakkati tliet punti biss mir-raba’ post.
Peró huma ma jistgħux jinkludu Lukas Vorlicky, Berat Djimsiti, Hans Hateboer u lis-sospiż Rafael Toloi.
