Fis-Serie A Taljana, Lazio żammew it-tamiet tagħhom li jkomplu jisfidaw għal post fil-UEFA Champions League hekk kif qabżu waħedhom fir-raba’ post tal-klassifika b’rebħa ta’ 1-0 fuq Sampdoria li min-naħa tagħhom komplew jgħoddsu lejn ir-relegazzjoni meta jinsabu fid-19-il post, fiż-żona tar-relegazzjoni … disa’ punti ‘l bogħod mis-salvazzjoni.
Iżda minkejja li Lazio ddominaw għal bosta ħinijiet, huma ma setgħux isibu t-triq lejn ix-xibka avversarja … sakemm fit-80 minuta skorjaw l-uniku goal tal-partita meta d-difensur, Bram Nuytinck, ikklerja qasir f’tarf il-kaxxa bil-ballun jasal għand Luis Alberto u b’first timer preċiż sammar il-ballun fix-xibka.
