Napoli jinsabu favoriti li jiksbu l-10 rebħa fil-kampjonat meta fi Stadio Diego Armando Maradona jospitaw lil Sassuolo. It-tim immexxi minn Luciano Spalletti għaddej minn mument tad-deheb bil-partitarji Naplitani li qed joħolmu li jista’ jerġa’ jiġi l-kampjonat wara aktar minn 30 sena.
Sassuolo m’għandhom l-ebda pressjoni hekk kif jinsabu f’nofs il-klassifika bi 15-il punt minn 11-il partita. Huma ma jistgħux jinkludu lil Gregoire Defrel u Mert Muldur li jinsabu mweġġgħin.
Napoli ma jistgħux jinkludu lil Amir Rrahmani li għandu barra sa nofs Novembru minħabba injury fil-groin.
Inter v Sampdoria
Inter jittamaw li jkomplu telgħin aktar ‘il fuq fil-klassifika meta jilagħbu f’San Siro kontra Sampdoria. It-tim immexxi minn Simone Inzaghi ġej minn tliet rebħiet konsekuttivi kontra Sassuolo, Salernitana u Fiorentina. L-impenn kontra Sampdoria fuq il-karta hu favur in-Nerazzurri.
Min-naħa ta’ Sampdoria, huma jinsabu fin-naħa t’isfel tal-klassifika fejn kisbu biss 6 punti minn 11-il partita. Huma se jkollhom nieqes lil Harry Winks li jinsabu mweġġa’.
Inter m’għandhom l-ebda problema fil-formazzjoni tagħhom.
Torino v AC Milan
AC Milan jittamaw li jżommu l-pass mal-leaders Napoli meta jmorru jilagħbu barra minn darhom għand Torino. Ir-Rossoneri jinsabu tliet punti bogħod mill-Partenopei b’Rafael Leao li qed ikun strumentali fejn fin-nuqqas ta’ Zlatan Ibrahimovic, qed jiskorja diversi gowls tant li sab ix-xibka ħames darbiet matul dan l-istaġun.
Min-naħa tagħhom, Torino jinsabu f’nofs il-klassifika b’14-il punt minn 11-il konfront. Jekk jirnexxielhom jiksbu xi punt diġa’ jkun miraklu minħabba l-fatt li Milan jinsabu għatxana li jibqgħu wara n-Naplitani.
Torino għandhom l-iskwadra kollha għad-dispożizzjoni tal-kowċ Ivan Juric, b’Milan li għandhom barra lil Zlatan Ibrahimovic, Alexis Saelemaekers u Alessandro Florenzi.
