Napoli għamlu pass ieħor lejn ir-rebħ tal-Kampjonat Taljan meta barra minn darhom għelbu lil Empoli bl-iskor ta’ 2-0. B’din ir-rebħa huma fetħu vantaġġ ta’ 18-il punt fil-quċċata tal-klassifika.
Il-Partenopei fetħu l-iskor fis-17-il minuta meta minn azzjoni ta’ corner, Piotr Zielinski xeħet lejn Victor Osimhen iżda fit-tentattiv li jikklerja l-ballun Ardian Ismajli xeħet fix-xibka tiegħu stess.
Ħdax-il minuta wara rdoppjaw meta Khvicha Kvaratskhelia xeħet cross li l-goalkeeper, Guglielmo Vicario, laqa’ parzjalment fejn Victor Osimhen kien pront u xeħet fix-xibka.
Peró, din ir-rebħa ġiet imtappna bit-tkeċċija ta’ Mario Rui (67) minħabba ritaljazzjoni.
