Fil-Kampjonat Taljan, Napoli fetħu vantaġġ ta’ 18-il punt meta għelbu lil Atalanta bl-iskor ta’ 2-0 biex dawn tal-aħħar issa huma prattikament maqtugħin mill-isfida għall-kwalifikazzjoni tal-UEFA Champions League.
Wara taqsima mingħajr goals, il-Partenopei fetħu l-iskor minn azzjoni personali ta’ Khvicha Kvaratskhelia fis-60 minuta biex imbagħad fis-77 minuta Amir Rrahmani ssiġilla r-rebħa minn daqqa ta’ ras.
