Il-leaders tas-Serie A, Napoli sofrew it-tieni telfa tal-istaġun meta f’darhom sfaw megħluba minn Lazio bl-iskor ta’ 1-0.
Fil-veritá ma kinetx il-lejla tal-Partenopei hekk kif kienu ‘l bogħod mill-forma solita tagħhom fejn Lazio kien jimmeritahom li joħorġu bit-tliet punti biex telgħu fit-tieni post tal-klassifika u saħħew it-tamiet tagħhom li jkomplu jisfidaw għal post fil-UEFA Champions League.
L-unikun goal tal-partita wasal minn Matias Vecino (67) li spara kanunata wara li Khvicha Kvaratskhelia kklerja qasir.
Iż-żewġ timijiet laqtu l-lasta – Victor Osimhen għal Napoli u Sergej Milinkovic-Savic għal Lazio.
