Fil-Kampjonat Taljan, iċ- champions Napoli sfaw megħluba f’darhom minn Empoli bl-iskor ta’ 1-0 biex il-coach Rudi Garcia jinsab fix-xifer tat-tkeċċija.
Il-goal rebbieħa wasal fil-91 minuta mill-Ukren, Viktor Kovalenko, li ddedikah għal poplu tiegħu li għadu qed isofri mill-gwerra kontra r-Russja.
Intant, Napoli ddominaw għal ħinijiet twal iżda ma setgħux isibu t-triq lejn ix-xibka avversarja hekk kif il-goalkeeper, Etrit Berisha, kien il-protagonista billi evita goals ċerti fuq tentattivi ta’ Matteo Politano u Andre Anguissa.
Kovalenko skorja ġmiel ta’ goal permezz ta’ xutt bid-dawra li spiċċa fir-rokna tas-saqaf tax-xibka.
