Fis-Serie A, Roma kisbu tliet punti meta dawru telfa f’rebħa biex għelbu lil Lecce bl-iskor ta’ 2-1.
Fl-ewwel ħames minuti, Romelu Lukaku falla penalty għal Roma. Iżda huwa kien l-eroj meta skorja l-goal tar-rebħa fit-93 minuta wara li Sardar Azmoun (90) kiseb id-draw għall-Giallorossi … wara li Pontus Almqvist (72) fetaħ l-iskor għal Lecce.
Verona v Monza – It-team modest ta’ Monza, mar jilgħab għand Verona u ħareġ rebbieħ bl-iskor ta’ 3-1.
Il-goals waslu minn doppjetta ta’ Lorenzo Colombo (41, 73) u Luca Caldirola (84) filwaqt li Michael Folorunsho (86) skorja l-goal ta’ konsolazzjoni għat-team ospitu.
Cagliari v Genoa – Cagliari komplew bis-sensiela pożittiva meta għelbu lil Genoa 2-1, bl-iskorers ikunu Nicolas Viola (48) u Gabriele Zappa (69) filwaqt li Albert Gudmundsson (51) kiseb id-draw momentarju għall-viżitaturi.
Milan v Udinese – Fil-partita li ntlagħbet tard is-Sibt filgħaxija, f’darhom Milan ġew sorpriża minn Udinese bl-iskor ta’ 1-0 biex ħadu skoss qawwi fit-tentattiv li jkomplu jisfidaw għar-rebħ tat-titlu.
L-uniku goal tal-partita wasal minn Roberto Pereyra (62 pen).
