Ilbieraħ, għall-ħabta tal-10:30 p.m.,, il-Pulizija ġiet infurmata li seħħet
serqa minn ħanut tal-logħob fi Triq D’Argens, il-Gżira.
Il-Pulizija marret mill-ewwel fuq il-post fejn minn stħarriġ preliminari rriżulta li żewġt irġiel b’wiċċhom mgħammad, daħlu fil-ħanut u talbu l-flus lill-kaxxiera, mara ta’ 35 sena residenti Tas-Sliema.
L-irġiel ħarbu minn fuq il-post wara li serqu ammont ta’ flus kontanti.
Ħadd ma weġġa’, bil-Pulizija għaddejja bit-tfittxija għaż-żewġ persuni. L-investigazzjonijiet għadhom għaddejjin.
