Marsakala…………………29
Barracudas………………….3
(8-1, 6-0, 8-2, 7-0)
Kienet iktar donnha sessjoni ta’ taħriġ hekk kif Marsaskala għelbu lil Barracudas bl-iskor kbir ta’ 29-3, b’din sa issa tkun l-ikbar rebħa reġistrata matul dan l-istaġun.
Marsaskala kienu diġá aċċertati mir-rebħa sa tmiem l-ewwel sessjoni hekk kif trijonfaw bl-iskor ta’ 8-1, bil-goals jaslu minn David Pace Lupi, Bence Batori (2) bl-ewwel goal għalih jasal minn man-up wara li tkeċċa Simon Apap, Mark Carani (3), Ferenc Salomon (2). Radovan Latinovic skorja l-uniku goal għal Barracudas.
Fit-tieni sessjoni, l-Iskalin skorjaw sitta mingħajr risposta, bl-iskorers ikunu Bence Batori (2) bit-tieni goal għalih jasal minn man-up wara li tkeċċa Ivan Gusarov, David Pace, Kyle Navarro, u Mark Carani.
Il-goleada ta’ Marsaskala kompliet fit-tielet sessjoni, din darba bl-iskor ta’ 8-2, b’goals minn Gerald Sammut, Ferenc Salamon, Mark Carani (3) u Bence Batori (3) bl-ewwel u t-tielet goal għalih jaslu minn penalty. Dean Ciantar u Ivan Gusarov wieġbu għal Barracudas.
Fl-aħħar sessjoni, Marsaskala, skorjaw sebgħa mingħajr risposta, fejn għalihom irnexxielhom iniżżlu isimihom fuq il-lista tal-iskorers, Ferenc Salomon, Bence Batori (4), bir-raba’ goal tiegħu jasal minn man-up wara li tkeċċa Dean Ciantar, u Mark Carani (2) bit-tieni goal għalih jasal ukoll minn sitwazzjoni ta’ raġel iktar, wara li din id-darba tkeċċa Ivan Gusarov.
Marsakala: 1-Jurgen Micallef, 2-Jean Claude Cutajar, 3-Gianluca Galea, 4-Paul Privitera, 5-Raoul Greco, 6-Ferenc Salamon (5), 7-Kyle Navarro (1), 8-Daniel Tully, 9-David Pace Lupi (2), 10-Gerald Sammut (1), 11-Benice Batori, 12-Mark Carani (9), 13-Aidan Muscat, 14-Bence Batori (11), 15-Francesco Scardino Coach: Arpad Babay
Barracudas: 1-Isaac Schembri, 2-Paul Caruana Turner, 3-Andrew Magri, 4-Paul Micallef, 5-Dean Ciantar (1), 6-Ryan Sciortino, 7-Ivan Gusarov (1), 8-Radovan Latinovic (1), 9-Lucas Roding Paris, 10-Simon Apap, 11-Aleandro Mifsud, 12-T. J. Mifsud, 13-Max Borg, 14-Stefano Debono Grech, 15-William Ruggier Coach: Keith Grima Scott
Referees: Ronnie Spiteri, Riccardo Dantoni
