Illum, għall-ħabta tat-3:15 p.m., , il-Pulizija ġiet infurmata b’inċident tat-traffiku fi Triq Emmanuele Luigi Galizia, il-Marsa.
Il-Pulizija marret minnufih fuq il-post u minn stħarriġ preliminari rriżulta li kienet seħħet ħabta bejn mutur Daelim misjuq minn raġel ta’ 55 sena residenti Birżebbuġa u BMW 318 misjuqa minn mara ta’ 33 sena residenti Ħal Luqa.
Passiġġier fil-karozza, kien hemm raġel ta’ 74 sena residenti Ħal Luqa. Is-sewwieq tal-mutur ingħata l-għajnuna minn tim mediku u ttieħed l-Isptar Mater Dei b’ambulanza, fejn aktar tard ġie ċċertifikat bi ġrieħi gravi.
L-investigazzjonijiet tal-Pulizija għadhom għaddejjin.