Sewwieq ta’ mutur ġie ċċertifikat li qiegħed isofri ġrieħi gravi wara li għall-ħabta tas-7.15am kien involut f’inċident tat-traffiku.
Fi stqarrija l-pulizija qalu li huma ġew informati li fi Triq Aldo Moro, il-Marsa kien seħħ inċident tat-traffiku.
Il-Pulizija marret minnufih fuq il-post u minn stħarriġ preliminari rriżulta li kienet seħħet ħabta bejn Toyota Aygo misjuqa minn raġel ta’ 65 sena residenti San Ġwann u mutur Yamaha GPD125-A misjuq minn Albaniż ta’ 37 sena u jgħix San Pawl il-Baħar.
Fuq il-post issejjaħ tim mediku u ambulanza ħadet lis-sewwieq tal-mutur l-Isptar Mater Dei.
Iktar tard, huwa ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.