Raġel ta’ 52 sena residenti Ħaż-Żebbuġ qed isofri minn ġrieħi gravi
Dan wara li aktar kmieni għall-ħabta tad-9:00 a.m., kien involut f’inċident tat-traffiku.
Minn stħarriġ illi sar, irriżulta li r-raġel tilef il-kontroll u waqa’ bil-mutur fi Vjal l-Istadium Nazzjonali f’Ta’ Qali, Ħ’Attard.
Huwa ngħata l-għajnuna minn tim mediku, ittieħed l-isptar b’ambulanza.
L-investigazzjonijiet tal-Pulizija għadhom għaddejjin.
