Raġel ta’ 30 sena residenti l-Imqabba, weġġa’ gravi f’inċident tat-traffiku li seħħ, għall-ħabta tas-7.00 a.m., fi Triq Dun Ġużepp Barbara, Ħal Kirkop.
Mill-ewwel stħarriġ irriżulta li seħħet ħabta bejn Renault Clio, misjuqa minn raġel ta’ 75 sena residenti Ħal Safi, u mutur Honda WW125A misjuq mill-vittma.
Ir-raġel ingħata l-għajnuna minn tim mediku, ittieħed l-Isptar Mater Dei b’ambulanza u aktar tard ġie ċċertifikat li sofra ġrieħi gravi.
L-investigazzjonijiet tal-Pulizija għadhom għaddejjin.
