Kien għall-ħabta tat-8.00am meta l-Pulizija ġiet informata li kien seħħ inċident fi Triq il-Wied, Ħal Qormi.
Il-Pulizija marret minnufih fuq il-post u minn stħarriġ preliminari rriżulta li kienet seħħet ħabta bejn Ford Transit misjuq minn raġel ta’ 34 sena residenti Ħaż-Żebbug u mutur Honda misjuq minn raġel ta’ 29 sena u jgħix Ħal Qormi.
Fuq il-post issejjaħ tim mediku u ambulanza ħadet lis-sewwieq tal-mutur l-Isptar Mater Dei.
Iktar tard, huwa ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
