Kien għall-ħabta tal-5.30am meta l-Pulizija ġiet infurmata b’inċident tat-traffiku fi Triq ir-Rabat, in-Nadur.
Il-Pulizija marret minnufih fuq il-post u minn stħarriġ preliminari rriżulta li seħħet ħabta bejn Honda Fit misjuqa minn raġel ta’ 29 sena residenti x-Xagħra u mutur Royal Enfield misjuq minn raġel ta’ 58 sena residenti n-Nadur.
Fuq il-post issejjaħ tim mediku u ambulanza li ħadet lis-sewwieq tal-mutur għall-kura fl-Isptar Ġenerali t’Għawdex, fejn aktar tard huwa ġie ċċertifikat bi ġrieħi gravi.
L-investigazzjonijiet tal-Pulizija għadhom għaddejjin.