Ilbieraħ, għall-ħabta tal-5.30pm, il-Pulizija ġiet infurmata b’inċident tat-traffiku fi Triq il-Wied Ta’ l-Imsida, Msida.
Il-Pulizija marret minnufih fuq il-post u minn stħarriġ preliminari rriżulta li seħħet ħabta bejn Mazda Demio misjuqa minn raġel ta’ 37 sena residenti San Pawl il-Baħar u mutur Sym Symphony misjuq minn raġel ta’ 27 sena residenti l-Imsida.
Fuq il-post issejjaħ tim mediku u ambulanza li ħadet lis-sewwieq tal-mutur għall-kura fl-Isptar Mater Dei, fejn aktar tard huwa ġie ċċertifikat bi ġrieħi gravi.
L-investigazzjonijiet tal-Pulizija għadhom għaddejjin.