Raġel weġġa’ gravi wara li għall-ħabta tad-9:30 a.m kien involut f’inċident tat-traffiku li seħħ fi Triq Birżebbuġa f’Birżebbuġa.
Minn stħarriġ illi sar irriżulta li seħħet ħabta bejn mutur Keewayt misjuq minn Ingliż ta’ 57 residenti Birżebbuġa u Mercedes Benz Citaro misjuqa minn Indjan ta’ 29 sena residenti San Pawl il-Baħar.
Fil-post issejjaħ tim mediku u ambulanza sabiex is-sewwieq tal-mutur seta’ jittieħed lejn l-Isptar Mater Dei għal aktar kura.
L-investigazzjonijiet tal-Pulizija b’rabta ma’ dan il-każ għadhom għaddejjin.
