Dan is-sit jinsab infurmat li għall-ħabta tat-8:00 a.m. tal-lum seħħ inċident tat-traffiku fi Triq Dawret il-Gudja, il-Gudja.
Kelliem għall-Pulizija qal ma’ Talk.mt li kien seħħ impatt bejn vettura Opel Corsa misjuqa minn mara ta’ 36 sena residenti l-Gudja stess, u mutur tal-għamla NIU misjuq minn raġel ta’ 39 sena residenti Wied il-Għajn.
Fuq il-post issejjaħ tim mediku sabiex jassisti lis-sewweiq tal-mutur sakemm seta’ jittieħed l-Isptar Mater Dei għal aktar kura permezz ta’ ambulanza li ssejħet fil-post. Aktar tard huwa ġie ċċertifikat li weġġa’ gravi.
L-investigazzjonijiet tal-Pulizija għadhom għaddejjin.
