Sewwieq ta’ mutur sofra ġrieħi wara li għall-ħabta tad-9:00 a.m kien involut f’inċident tat-traffiku li seħħ fi Triq ix-Xatt fil-Gżira.
Minn stħarriġ illi sar irriżulta li kienet seħħet ħabta bejn mutur Shansu CP1, misjuq minn raġel ta’ 62 sena residenti tas-Sliema u Renault Zoe, misjuqa minn Olandiż ta’ 21 sena.
Is-sewwieq tal-mutur ingħata l-għajnuna minn tim mediku u ttieħed l-Isptar Mater Dei b’ambulanza. Aktar tard ir-raġel ġie ċċertifikat li qiegħed isofri minn ġrieħi gravi.
L-investigazzjonijiet tal-Pulizija għadhom għaddejjin.
