Raġel indarab gravi wara li lbieraħ għall-ħabta tat-8:00 p.m kien involut f’’inċident tat-traffiku fi Triq in-Naxxar, San Ġwann.
Minn stħarriġ illi sar irriżulta li kienet seħħet ħabta bejn Kia Sportage, misjuqa minn Libjan ta’ 35 sena residenti Tal-Pietà, u mutur Kymco, misjuq minn raġel ta’ 30 sena residenti f’San Ġiljan.
Is-sewwieq tal-mutur ingħata l-għajnuna minn tim mediku sakemm seta’ jiittieħed l-isptar b’ambulanza għall-kura neċessarja.
L-investigazzjonijiet mill-Pulizija b’rabta ma’ dan il-każ għadhom għaddejjin.
