Sewwieq ta’ mutur kellu jittieħed l-Isptar Mater Dei wara li kien involut f’inċident qrib is-Salini.
Kien għall-ħabta tas-2.00 p.m. meta l-Pulizija ġiet infurmata li seħħet ħabta bejn Audi A1 misjuqa minn raġel ta’ 56 sena residenti l-Għasri u mutur Kymco Agility misjuq minn raġel ta’ 28 sena mill-Pakistan.
Dan tal-aħħar ingħata l-għajnuna minn tim mediku u ttieħed l-Isptar Mater Dei b’ambulanza.
Il-kundizzjoni tiegħu għadha mhix magħrufa.
