Kien għall-ħabta tat-8.00am meta l-Pulizija ġew informati li kien seħħ inċident bejn karozza u mutur fi Triq l-Ewropa f’Ħal Luqa.
Mill-ewwel investigazzjonijiet jirriżulta li karozza tal-għamla MG li kienet misjuqa minn mara ta’ 46 sena residenti Tas-Sliema kellha impatt ma’ mutur tal-għamla Honda.
Is-sewwieq tal-mutur li l-identità tiegħu s’issa għadha mhix magħrufa ngħata l-għajnuna fuq il-post u wara ttieħed l-Isptar Mater Dei b’ambulanza.
Il-kundizzjonijiet tiegħu s’issa għadha mhix magħrufa filwaqt li l-Pulizija qegħdin jinvestigaw dan l-inċidenti.