Sewwieq ta’ mutur li għandu 72 sena residenti n-Nadur jinsab l-Isptar wara li aktar kmieni kien involut f’inċident tat-traffiku. L-inċident seħħ għal ħabta tas-12:45 p.m., fi Triq ir-Ramla fin-Nadur.
Jirriżulta li l-inċident seħħ bejn karozza tal-għamla Toyota li kienet qed tinstaq minn raġel ta’ 32 residenti n-Nadur ukoll u l-vittma li kien qed isuq mutur.
Fuq il-post issejjaħ tim mediku li ħadet lis-sewwieq ta’ mutur l-Isptar. Sa issa l-kundizzjoni tiegħu għadha mhix magħrufa.