Sewwieq ta’ mutur sofra ġrieħi wara li aktar kmieni għall-ħabta tal-4:00 p.m kien involut f’inċident tat-traffiku li seħħ fi Triq San Ġiljan, Birkirkara.
Minn investigazzjoni li saret irriżulta li kienet seħħet ħabta bejn vettura Toyota Vitz misjuqa minn raġel ta’ 55 sena residenti Ħal Qormi u mutur tal-Għamla Yamaha GPD 125A misjuq minn raġel ta’ 40 sena residenti l-Isla.
Is-sewwieq tal-mutur ittieħed lejn l-Isptar Mater Dei għall-kura neċessarja. F’dan l-istadju għadha mhijiex magħrufa l-kundizzjoni tiegħu.
L-investigazzjonijiet tal-Pulizija b’rabta ma’ dan il-każ għadhom għaddejjin.
