Sewwieq ta’ mutur kellu jittieħed l-isptar wara li aktar kmieni waranofsinha kien involut f’inċident tat-traffiku f’kantuniera bejn Triq St. Mary Street Triq Manwel Dimech.
Kelliem għall-pulizija qal lil dan is-sit li l-inċident seħħ bejn karozza Ford Kuga misjuqa minn raġel ta’ 32 sena residenti Tas-Sliema u mutur Yamaha misjuq minn raġel ta’ 31 sena residenti Tas-Sliema wkoll.
Fuq il-post mar tim mediku b’ambulanza biex jassisti lis-sewwieq tal-mutur u wara ttieħed l-Isptar Mater Dei għal aktar kura.
Is-sewwieq tal-karozza ma sofra l-ebda ġrieħi.
Il-kundizzjoni tiegħu s’issa għadha mhix magħrufa filwaqt li l-pulizija qegħdin jinvestigaw dan l-inċident.
