Is-sitt timijiet li Hamrun Spartans se jiffaċċjaw fil-fażi tal-kampjonat tal-UEFA Conference League ġew żvelati nhar il-Ġimgħa hekk kif il-poloz tal-fażi tal-kampjonat tal-UEFA Conference League 2025/26 saru fil-Grimaldi Forum f’Monaco flimkien mal-poloz tal-fażi tal-kampjonat tal-UEFA Europa League.
L-Ispartans se jiffaċċjaw lil Shakhtar f’darhom u lil Shamrock Rovers barra minn darhom mill-Pots 1 u 2, lil Lincoln Red Imps f’darhom u lil Jagiellonia barra minn darhom mill-Pots 3 u 4, lil Lausanne-Sport f’darhom u lil Samsunspor barra minn darhom mill-Pots 5 u 6.
Fil-fatt, is-36 tim ġew maqsuma f’sitt gruppi ta’ sitt timijiet kull wieħed ibbażat fuq il-koeffiċjent tal-klabb tal-UEFA tagħhom, bl-Spartans jitqiegħdu fil-Grupp 6. It-tlugħ tal-poloz sar f’format kompletament diġitali li jaħdem bl-istess teknoloġija diġitali li diġà ntużat is-sena l-oħra biex l-avversarji jiġu mtellgħin istantanjament, u b’hekk ippermetta proċess ta’ tlugħ bla xkiel, effiċjenti u veloċi.
Il-logħbiet attwali se jiġu kkonfermati matul tmiem il-ġimgħa. Il-logħbiet huma skedati għat-2 ta’ Ottubru, 23 ta’ Ottubru, 6 ta’ Novembru, 27 ta’ Novembru, 11 ta’ Diċembru u 18 ta’ Diċembru 2025.
Shakhtar Donetsk (Ukrajna)
Klassifika tal-coefficient tal-UEFA: 53
Rebbieħa tat-Tazza tal-UEFA fl-2008/09, qed jieħdu sehem fil-UEFA Conference League għall-ewwel darba wara li ġew eliminati mit-tielet rawnd ta’ kwalifikazzjoni tal-UEFA Europa League minn Panathianaikos bil-penalties wara żewġ draws mingħajr gowls wara li eliminaw lil Ilves Tampere u Besiktas. Fir-rawnd tal-play-off tal-UEFA Conference League, għelbu lil Servette b’aggregat ta’ 3-2. L-istaġun li għadda, huma waslu sal-istadju tal-kampjonat tal-UEFA Champions League, fejn spiċċaw fis-27 post b’seba’ punti minn tmien logħbiet.
Shamrock Rovers (Irlanda)
Klassifika tal-coefficient tal-UEFA: 97
L-istaġun li għadda, Shamrock Rovers ikkwalifikaw għall-istadju tal-kampjonat tal-UEFA Conference League u spiċċaw fl-għaxar post bi 11-il punt minn sitt logħbiet biex laħqu l-istadju tan-knock-out fejn ġew megħluba 5-4 bil-penalties minn Molde wara skor aggregat ta’ 1-1. Din is-sena, daħlu fil-UEFA Conference League fit-tieni rawnd ta’ kwalifikazzjoni, fejn eliminaw lil St. Joseph’s ta’ Ġibiltà, FC Ballkani tal-Kosovo u Santa Clara tal-Portugall.
Fl-2022, iltaqgħu ma’ Hibernians fl-ewwel rawnd ta’ kwalifikazzjoni tal-UEFA Champions League, fejn rebħu 3-0 f’darhom, bit-tieni leg jispiċċa fi draw ta’ mingħajr gowls.
Jagiellonia Białystok (Polonja)
Klassifika tal-coefficient tal-UEFA: 115
Kif ikkwalifikaw: Play-offs ta’ kwalifikazzjoni
Jagiellonia laħqu l-kwarti tal-finali tal-UEFA Conference League l-istaġun li għadda wara li spiċċaw fid-disa’ post u eliminaw lil TSC Backa Topola u Cercle Brugge fiż-żewġ rawnds ta’ wara, fejn tilfu kontra Real Betis. Din is-sena, eliminaw lil Novi Pazar, Silkeborg u Dinamo Tirana fir-rawnds preċedenti tal-kompetizzjoni.
Samsunspor (Turkija)
Klassifika tal-coefficient tal-UEFA: 166
Din se tkun l-ewwel avventura ta’ Samsunspor fil-fażi tal-kampjonat wara li ċedew mill-UEFA Europa League kontra Panathinaikos fl-ewwel logħbiet tagħhom fil-futbol Ewropew għalkemm ħadu sehem fit-Tazza Intertoto tal-UEFA li issa m’għadhiex teżisti fis-snin disgħin.
Lincoln Red Imps (Ġibiltá)
Klassifika tal-coeficcient tal-UEFA: 168
Din mhux se tkun l-ewwel esperjenza ta’ Lincoln Red Imps f’dan il-livell, wara li kkwalifikaw għall-fażi tal-gruppi tal-UEFA Conference League fl-istaġun 2021/22. L-istaġun li għadda, għelbu lil Hamrun 5-4 bil-penalties fl-ewwel rawnd ta’ kwalifikazzjoni tal-UEFA Champions League u eventwalment waslu għall-play-offs tal-UEFA Conference League fejn ġew eliminati minn Larne. Dan l-istaġun, daħlu fil-UEFA Champions League fejn eliminaw lil Vikingur iżda mbagħad ġew eliminati minn Red Star Belgrade. Fil-UEFA Europa League, irnexxielhom jeliminaw lil FC Noah bil-penalties iżda mbagħad ġew eliminati minn Sporting Braga.
Lausanne-Sport (Żvizzera)
Klassifika tal-coefficient tal-UEFA: 231
Lausanne qed jagħmlu r-ritorn tagħhom fil-futbol Ewropew dan l-istaġun wara assenza ta’ ħmistax-il sena. Huma eliminaw lil Vardar Skopje, FK Astana u Besiktas biex laħqu dan l-istadju.